தூது செல் காற்றே..

காற்றே  கொஞ்சம்  வருவாயா ?

என்  இமையை  மெல்லத்  திறப்பாயா ?

கண்ணில்  மிதக்கும்  கனவுகளை 

என்  காதலன்  விழிக்குள்  புதைப்பாயா ?

பேதை  நெஞ்சின்  காதலினை 

நாயகனிடத்தில்  உரைப்பாயா ?

நாவினால்  மறுத்தவன்  உரைத்தாலும் -என் 

சாவிற்கு  அழைத்ததாய்  சொல்வாயா ?

ஈரமான  நினைவுகளை 

இனிக்க  இனிக்கத்  தந்தவனே -நெஞ்சில் 

பாரமான  சுமையாகி -எனை 

பைத்தியம்  ஆக்கினான்  அறிவாயா ?

ஊண்  உறக்கம்  மறந்துவிட்டு 

உயிர்தேடி  அலைந்ததுவும் ,

நிம்மதியைத்  தொலைத்துவிட்டு 

நித்திரைக்காய்ப்  புரண்டதுவும்,

எதை எதையோ  இழந்துவிட்டு 

அவன் நினைவால்  வாடியதும்,

எடுத்தவனிடத்தில்  உரைப்பாயா ?

என்  உயிரை  மீட்டுக்  கொடுப்பாயா ?

அவன்  விட்டுச்சென்ற  சுவாசக்காற்றை 

என்  சுவாசப்பையில்   திணிப்பாயா ?

காற்றே  உன்னை  கெஞ்சுகிறேன் .

ஈதென்  கடைசி  ஆசை  செய்வாயா ?

2002

Post Comment